إنت الحب


بتتذكري لمّا قلتيلي بهالحياة ما في شي بهمّ اذا ايدي ما كانت بايديك ع طلوع الشمس. و كيف القهوة لي تعلّمتي تعمليا بأسوأ نهار بحياتك، بتفقد المرّ، بتخسر سرّا

بتتذكري كيف شفت بعيونيك كلّ الحب و دفيت و حنّيت. انت بايديكي حسّيت بقلبي مليان. لأول مرّة كان عم بدق تيشعر، مش بس ناطر الليل يغطّ.

انت علّمتيني شو يعني يكون الشوق والوجع، الوجع الساكت اللي ضلّو معي سنين قبل ما تفوتي من الباب.

أحلى شي شفتو بالديني هو جسمك نايم حدّي، يطمّني وقتا فيق خايفة من العتمة.

أحلى صوت هو نفسك ع رقبتي عم يوشوشني “بحبك… بحبك… بحبك”.

و أحلى غنيّة رنّة ضحكتك انت و عم ترقصي بين ايديّي.

Advertisements